Իսրայելի վարչապետ Բենյամին Նեթանյահուն պնդել է, որ Իսրայելը թույլ չի տա Իրանին միջուկային զենք ունենալ, մինչ ԱՄՆ նախագահ Դոնալդ Թրամփը փորձում է Թեհրանի հետ նոր միջուկային համաձայնագրի շուրջ բանակցություններ վարել։
«Իսրայելը բազմաթիվ բացահայտ և քողարկված գործողություններ է ձեռնարկել Իրանի միջուկային ծրագրի դեմ, առանց որոնց Իրանն այսօր միջուկային զինանոց կունենար», - հայտարարել է Նեթանյահուի գրասենյակը, հավելելով՝ այս գործողությունները հետաձգել են Իրանի միջուկային ծրագիրը մոտ մեկ տասնամյակով։